mahatir muhemmed wezipisidin istépa berdi
malayshiya bash ministiri mahatir muhemmed, öktichi partiyeler bilen yéngi birleshme hökümet teshkillesh tirishchanliqliri meghlubiyetke uchrighandin kéyin wezipisidin istépa berdi.
türkiye awazi radiyosi xewiri: malayshiya bash ministirliq mehkimisi bayanat bérip, bash ministir mahatir muhemmedning bügün etigen istépa iltimasini padishahliq sariyi – istana négaragha yollighanliqini uqturdi.
«malayshiya pochtisi» gézitining xewer qilishiche, mahatir muhemmedning istépasi netijiside, nöwettiki hakimiyet birleshmisi – ümmet ittipaqi tarqilip kétidiken, shunga muddettin ilgiri saylam ötküzüsh mumkinchiliki bar iken.
xewerde, muweqqet bash ministirliq wezipisige bash ministir yardemchisi wan azizah wan ismailning teyinlinidighanliqi ilgiri sürüldi.
malayshiya bash ministiri mahatir muhemmed wezipisidin istépa bérishtin bir qanche saet ilgiri, bash ministirliqni ötküzüp béridighanliqini wede qilghan xelqning adaliti partiyesi bashliqi enwer ibrahim bilen ayrim uchrishish ötküzgenidi.
