erdoghan idlibqa qarita herbiy heriket bashlashqa azla qalghanliqini ima qildi

türkiye awazi radiyosi xewiri: jumhur reis rejep tayyip erdoghan adalet we tereqqiyat partiyesining türkiye büyük millet mejlisi (parlaménti) diki guruppa yighinida nutuq sözlidi.

erdoghan idlibte yüz bergen insaniy pajieler heqqide rusiye bilen ötküzüliwatqan muzakirilerning dawamlishiwatqanliqini eskertip, «muzakirilerde epsuski, bügünge qeder azru qilghinimizdek birer netijige érishelmiduq. gerche muzakiriler yene dawamlishidighan bolsimu, üstelde bizning xalaydighan nuqtidin bek uzaqta ikenlikimizning özila bir heqiqet» dédi. 

erdoghan, idlibte esed qisimlirigha mushu ayning axirighiche muddet bergenlikini, sochi kélishimide belgilengen chégrasigha chékinish waqtining toshush aldida turghanliqini we türkiyening öz heriket pilanini emeliyleshtürüsh üchün her türlük teyyarliqlarni qilip qoyghanliqini éytti.

erdoghan: «eger bu rayonlarda munasiwetlik döletler türkiyening bixeterlik endishilirige tégishlik jawab qayturalmisa, öz derdimizning charisini özimiz qilishqa mejbur bolidighanliqimizni her daim tekitlep kéliwatimen. bashqiche qilish éytqanda, idlibke qarita herbiy heriket bashlash azla qalghanla bir mesile» dédi.

jumhur reis rejep tayyip erdoghan yene mundaq dédi:

«dölitimizning bu jehettiki qetiylikini téxiche chüshünüp yételmigen esed qisimlirigha we uninggha jasaret bériwatqanlargha idlibni tashlap qoymaymiz. bu rayondiki ishlarning dölitimizning yelkisige yükleydighan yüklerni qarap turup, yelikimizge élish niyitimiz yoq. meyli qandaq bedel töleshke toghra kélishidin qetiy nezer, idlibni hem türkiye üchün, hem rayon xelqi üchün bixeter rayongha aylandurushta iradimiz qetiy»