beshshar esed hakimiyiti idlibqa qaratqan hujumini toxtatmidi

türkiye awazi radiyosi xewiri: beshshar esed hakimiyitining ayropilanliri idlibtiki turalghu rayonlirigha qiliwatqan hawa hujumlirini téximu kücheytti. rusiye ayropilanliri heleb etrapini bombardiman qildi.

beshshar esed hakimiyitining hawa bombardimanida idlib sheher merkizide 12 puqra, kefer teal yézisida bir pura bolup jemiy 13 kishi jénidin ayrildi.

rusiye ayropilanliri bügün (11-féwral) etigendin bashlap helebning idlib jiddiychilikni peseytish rayonidiki etarib we daret izze nahiye merkezliri, urim kubra baziri, kefer hamra we jine yézisi bilen leyremun rayonini bombardiman qildi.

rusiyening bombardimanida, hazirche ölüm-yétim hadisisi yüz bérip-bermigenliki toghrisida xewer élinalmidi.

beshshar esed hakimiyiti we qollighuchilirining 2018-yili 17-séntebir imzalanghan sochi kélishimidin buyan idlibqa qilghan hujumlirida 1800 din artuq kishi jénidin ayrildi. 2019-yili yanwardin tartip türkiye chégralirigha köchkenlerning sani 1 milyon 767 minggha yetti.