hindistanmu rusiyedin «S-400» sétiwalghan
rusiyening hindistangha «S-400» sistémilirini kéler (2021) yili tapshurushni bashlaydighanliqi élan qilindi.
türkiye awazi radiyosi xewiri: rusiye fédératsiye herbiy téxnika hemkarliq idarisining muawin bashliqi wladimir drozhow (Vladimir Drojjov) «S-400» hawa qalqan sistémilirining hindistangha 2021-yilining axirighiche tapshurulidighanliqini bildürdi.
u hindistanning laknaw (Lucknow) shehiride bayanat élan qilip, «S-400» sistémilirining tapshurulush waqti toghrisida toxtaldi.
u: «S-400 sistémilirining deslepki parchilirini tapshurush pilan boyiche 2021-yilining axirida bashlinidu. hindistan mutexessislirini terbiyelesh ishliri buningdin burun bashlinidu» dédi.
hindistan rusiyedin «S-400» hawa qalqan sistémilirini sétiwélish kélishimini 2018-yili noyabirda imzalighan idi.
hindistan bash ministiri nérandra modi (Nerandra Modi) bilen rusiye pirézidénti wladimir putin otturisida bashlanghan keng dairilik muzakirelerning netijiside qarardin chiqqan kélishim boyiche, sistémilarni tapshurush ishlirining 2023-yili aprélda axirlishishi kütülmekte.