amérika 6 döletke wiza cheklimisi qoydi

türkiye awazi radiyosi xewiri: amérika qoshma ishtatliri ichki bixeterlik ishliri muawin ministiri chad wolfning téléfon yighinida eskertishiche, nigériye, qirghizistan, birma, sudan, tanzaniye we éritiriye qatarliq döletler amérika qoshma ishtatlirining bixeterlik ölchimige toshmaydighanliqi üchün,  washington bu döletlerning puqralirigha amérikida uzaq mezgillik turush ijazetnamisi bérilishide türtkilik rol oynaydighan wizini tonglitip qoyghan. uning yétishiche, bu keng dairilik wiza cheklimisi emes bolup, mezkur döletlerning puqraliri amérika qoshma ishtatlirigha sayahet wizisigha dawamliq iltimas sunalaydiken. bu döletlerning ehwalida amérikining ichki bixeterlik ölchemlirige toshidighan özgirish körülgen haman cheklime bikar qilinidiken. bu qarargha asasen, mezkur döletlerning puqraliri «yéshil kart» qatarliq wizilargha iltimas sunalmaydiken. bu dairide sudan bilen tanzaniyege «yéshil kart» béliti tartalmasliq cheklimisi qoyulghan.

amérika hökümiti ilgirimu iran, liwiye, süriye, somali, yemen, shimaliy koréye we wénézuéla qatarliq döletlerge wiza cheklimisi qoyghanidi.