trampning yéshil kart belgilimisi testiqlandi
amérika aliy soti pirézidént tramp hökümiti teripidin chiqirilghan «amérikaning yardemlirige tayinip qalidighanliqi jezmleshken kishilerning yéshil kart iltimasini ret qilish qarari» ni testiqlidi.
türkiye awazi radiyosi xewiri: mezkur qarar awazgha qoyulup, 4 ke qarshi qarshi 5 awaz bilen testiqlandi.
qarar boyiche bolghanda, amérikada yashash üchün yéshil kartqa iltimas qilghan kishiler «amérika dölitige yük bolup qalidighan-qalmaydighanliqi nuqtisida» iqtisadiy bahalashtin ötküzülidu. buningdin burun amérikadin sehiye, öy ijarisi yardimi we yémek-ichmek yardimi alghan yaki kéyin «bundaq yardemlerni alidu» dep perez qilinghan kishilerge yéshil kart bérilmeydu. yéshil kart iltimasliri köch idarisi mesulliri teripidin tekshürülidu.
yéshil kartqa iltimas qilghan kishilerning qandaq iqtisadiy tekshürüshtin ötküzülidighanliqi toghrisida melumat bérilmidi.
pirézidént tramp hökümitidin burunqi hökümetlerde iltimasni bahalash ishliri, neq pul yardimige asasen élip bérilatti. tramp hökümiti bolsa, bu belgilimini kéngeytip, sehiye, öy ijarisi yardimi we yémek-ichmek yardemlirige tayinish derijisinimu bahalash dairisige kirgüzdi.
pirézidént tramp yéshil kart belgilimisi üstide toxtalghanda, «layaqetke tayanghan köchmenlik tüzümini keltürgenlikliri» ni bildürüp, kishilerning iqtidar-qabiliyetlirini we medeniyet sewiyesini asas qilghan tüzüm sayisida, amérikagha jinayetchi yaki qanunsiz qilmishlargha arilashqan kishilerning kélishining aldi élinidighanliqini ilgiri sürgen idi.
