shi jinping koronawirusi apitige qarshi küreshke rehberlik qilidighan alahide guruppa qurmaqchi
xitay kommunistik partiyesi siyasiy komitéti yuqumluq koronawirusi apitige qarshi küreshke rehberlik qilidighan alahide guruppa qurup wuxenge yollash qararigha keldi.
türkiye awazi radiyosi xewiri: xitay dölet reisi shi jinping yéngi tipliq koronawirusi apitining téz süret bilen kéngiyip ketkenlikini we intayin jiddiy weziyetke duch kelgenliklirini éytti.
shinxua agéntliqining xewirige asaslanghanda, xitay dölet reisi shi we bash ministiri li kichang qatarliq 25 yuqiri derijilik emeldardin teshkillengen xitay kommunistik partiyesi siyasiy komitéti, wuxendin pütün dölet miqyasigha tarqalghan yéngi tipliq koronawirusi apitini muzakirlishish üchün yighin chaqirghan.
yighinda yuqumluq koronawirusi apitige qarshi küreshke rehberlik qilidighan alahide guruppa qurulishi lazimliqi heqqide qarar maqullanghan. bu rehberlik guruppisning xubéyge oxshash apetning qattiq tesirige uchrighan rayonlargha yollinidighanliqi we guruppining yuqumluq wirus apitining aldini élish xizmetlirining kücheytilishi üchün righbetlendürüshte bolidighanliqi uqturulghan.
shi jinping yighinda yéngi tipliq koronawirusi apiti téz kéngiyip ketken bir jiddiy weziyetke duch kelgenliklirini bildürüp, dora we esliheler bilen teminlesh xizmetlirini kücheytish shundaqla sehiye xadimlirini qoghdash chaqiriqida bolghan.
bu ariliqta xitay apetlerni kontirolluqqa élish merkizi xitayda téz tarqiliwatqan koronawirusigha qarshi waksén teyyarlashqa bashlighanliqini ilgiri sürgen.
gherbiy xitay etigenlik gézitining xewirige asaslanghanda, xitay apetlerni kontirolluqqa élish merkizi mutexessisi shu winbo merkez dairisidiki mutexessislerning yéngi tipliq korona wirusigha qarshi waksén ishlepchiqirishni bashlighanliqini ilgiri sürüp, «hazir ayriwilinghan wirusning gén tizimisigha baha bérish üchün tetqiqat xizmetliri dawamlishiwatidu» dégen.
