iran amérikining teklipini ret qildi

türkiye awazi radiyosi xewiri: iranning birleshken döletler teshkilati (b d t) da turushluq daimiy wekili mejit textrawanchi, s n n téléwiziye qanilining döliti bilen amérika otturisidiki sürkilish toghrisidiki soallirigha jawab berdi.

textrawanchi, s n n téléwiziye qanili muxbirining, amérika pirézidénti donald trampning «iran hazirqi basquchta toxtighandek körünüwatidu» dégen sözliri heqqidiki soaligha jawab bérip, «amérika küchlirige qarshi herbiy heriket basquchini axirlashturduq. amérika yéngi bir qedem tashlisa, oxshash usulda jawab bérimiz» dédi.

u yene, öltürülgen iranliq général qasim suleymanigha qilinghan hujumni pilanlap ijra qilghan amérika bazisigha hujum qilghanliqlirini éytti.

textrawanchi, amérikining aldinqi shertsiz söhbet ötküzüsh teklipi toghrisidiki soalgha bolsa, «undaqta, némishqa iqtisadiy émbargolar arqiliq boynimizgha pichaq tenglep turup diyalog ötküzüshke teyyar ikenlikini ilgiri süridu. qetiy ret qilimiz. iran xelqige bundaq düshmenlerche siyaset dawamlishidighanla bolsa, diyalog ötküzülmeydu» dégenlerni qeyt qildi.

amérikining b d t da turushluq daimiy wekili kélly kraft bolsa, b d t  xewpsizlik kéngishige yollighan mektupida, irangha «amérika qoshma ishtatliri, xelqaraning tichnliq we bixeterlikining téximu éghir derijide xewpke ittirilishining we iran hakimiyitining jiddiychilikni ulghaytiwétishining aldini élish üchün iran bilen aldinqi shertsiz estayidil söhbetlerni ötküzüshke teyyar» dep teklip sunghanidi.