amérikining irangha qarshi hindi okyangha bombardimanchi ayropilan ewetidighanliqi ilgiri sürüldi

türkiye awazi radiyosi xewiri: amérikiliq bir emeldarning «‹ CNN › téléwiziye qanili» gha bergen bayanatida ilgiri sürüshiche, amérika dölet mudapie ministirliqi, iran bilen bolghan sürkilishning téximu ewj élip kétish éhtimalliqini nezerde tutup, téhrangha qarshi tedbir qollinish meqsitide, hindi okyandiki déygo karkia ariligha, «6 B-52 » tipliq bombardimanchi ayropilan ewetidiken. bombardimanchi ayropilan irangha herbiy mudaxile qilinish üchün buyruq kütiüp turidighan bolup, téxiche birer herbiy heriket üchün yolyoruq chüshürülmigen.

melumatlargha qarighanda,  hindi okyaning  jenubigha jaylashqan déygo karkia arili, irandin texminen 4 ming kilométir yiraqliqta iken.

amérika qoshma ishtatlirining  «6 B-52 » tipliq bombardimanchi ayropilanlirini rayondiki bir herbiy bazisigha emes, eksiche hindi okyandiki bir aralgha ewetishining sewebi, mezkur aralning iranning 2 ming kilométirliq «shéhab» we 2500 kilométirliq «sumar» namliq charlighuchi bashqurulidighan bombilirining musapisining sirtida qélishi iken.