mudapie ministiri mark éspér amérika eskerlirining iraqtin chékinmeydighanliqini jakarlidi

türkiye awazi radiyosi xewiri: ministir mark éspér, amérika armiye bash ishtab bashliqi général mark milléy bilen birlikte dölet mudapie ministirliqida muxbirlarni kütüwilish yighini chaqirdi.

mark éspér amérikaning iraqtiki eskerlirini küchlendürüsh üchün rayongha qoshumche esker yollighanliqini éytti.

mark éspér ijtimaiy taratqularda ghughula qiliniwatqan mektup üstidimu toxtilip, «iraqtin chékinishke dair héchqandaq qararimiz yoq. mektupning némilikini bilmeymiz. mektupni tekshürüwatimiz, biraq chékinishke dair birer qarar yaki pilanimiz yoq» dédi. 

mark éspér yene, «rayondiki eskerlirimizni qaytidin orunlashtuwiwatimiz. buningdin bashqa mezkur mektupni bir qétim oqup baqtim. mektupning ras yaki yalghanliqi heqqide silerge bir nerse déyelmeymen. biraq silerge shuni éytalaymenki, mektup bizning salahiyitimizgha mas kelmeydu» dédi.

amérikaning iraqta turushluq qisimliri qomandanining iraq hökümitige bir mektup yollap, iraq parlamétining qarari we telipige asasen iraqtin chékinidighanliqini bildürgenliki ilgiri sürülgen idi.