bélgiye 6 neper chet ellik térrorchini puqraliqtin chiqiriwetti

türkiye awazi radiyosi xewiri: biryussél aliy sot mehkimisi, 6 yil ilgiri süriyege ketken 6 térrorchigha alaqidar dawamlishiwatqan délo heqqide höküm chiqardi.

mehkime, mezkur kishilerning bélgiye teripidin térrorluq teshkilati dep élan qilinghan «bilgiyege sheriet» namliq teshkilatqa eza bolghanliqini ilgiri sürdi.

hem marakesh hem bélgiye puqrasi bolghan 6 kishining nöwette qeyerde ikenliki éniq emes iken. 8 kün ichide étiraz bildürülmigen teqdirde, höküm küchke ige bolidiken.

dölet dairiliri, «bilgiyege sheriet» teshkilatining bélgiyede sheriet tüzümi ornitish meqsitide 2010 – yili 3 – martta otturigha chiqqanliqini ilgiri sürgenidi.

bélgiye mehkimisi, héchqandaq bombiliq yaki qoralliq weqe peyda qilmighan «bilgiyege sheriet» teshkilatini térrorluq teshkilati dep élan qilghan, bésim netijiside teshkilat 2 yil 7 aydin kéyin tarqap ketkenidi.