yawropa parlaménti iranni eyiblidi
yawropa parlaméntini iran dölet xewpsizlik küchlirining namayishchilargha tengpungsiz küch ishlitishini eyiblidi.
türkiye awazi radiyosi xewiri: yawropa parlaméntining firansiyening strasburg shehiride chaqirilghan omumiy kéngesh yighinida maqullanghan qararda, iranning namayishlarda hayatidin ayrilghanlar we tutqun qilinghanlarning sani heqqide bayanat élan qilishqa chaqiriq qilindi, shuning bilen bir waqitta, dölet xewpsizlik küchlirining namayishlar jeryanida namayishchilargha tengpungsiz küch ishlitish qilmishi toghruluq tekshürüsh bashtilishi we jawabkarlarning jazablandurulushi telep qilindi.
qararda, dölette intérnét mulazimitining toxtitilishigha naraziliq bildürüldi.
amérika qoshma ishtatlirining émbargolirining tesiridimu iqtisadiy jehettin qiyin ötkelni bashtin kechürüwatqan iran xelqi, 15 - noyabir küni bénzin bahasining 3 hesse östürülgenlikining élan qilinishidin kéyin, köpligen sheherlernde namayish ötküzgenidi.
namayishlarda dölet binaliri, bankilar, may qachilash ponitliri we soda saraylar weyran qilinghanidi. namayishlar jeryanida ölüp ketken we yarilanghanlar heqqide iran dairiliri resmiy bayanat élan qilmighan, xelqara kechürüm teshkilati namayishlar jeryanida kem dégende 304 kishining ölgenlikini uqturghanidi.
iran aliy milliy bixeterlik kéngishi teripidin chiqirilghan qarargha asasen, dölet miqyasida bénzin bahasining östürülüshige qarshi ötküzülüwatqan namayishlarning dairisining téximu kéngiyip kétishining aldini élish üchün 16 – noyabir küni intérnét mulazimiti toxtitilghanidi.
25 – noyabir küni döletning köpligen rayonlirida turaqliq intérinét mulazimiti qaytidin yolgha qoyulghanidi.
