amérika: ermeni dewalirigha alaqidar pozitsiyemizde özgirish yoq
amérika tashqi ishlar ministirliqi bayanatchisi morgan ortagus, ötken hepte yuqiri palatada qobul qilinghan 1915 – yil ermen weqelirini «irqiy qirghinchiliq» dep étirap qilishni mezmun qilghan qarar layihesige qoshulmaydighanliqlirini bildürdi.
1325377
türkiye awazi radiyosi xewiri: morgan ortagus yazma bayanat élan qilip, «hökümetning (1915 – yil weqelirige dair) pozitsiyesi özgermidi. bu jehettiki qarishimiz ötken aprél éyida pirézidént (donald tramp)ning roshen bayanatida eks ettürülginige oxshashtur» dédi.
amérika pirézidénti donald tramp, 24 – aprélda 1915 – yil ermen weqelirining xatire künide yazma bayanat élan qilip, «büyük palaket» dégen ibarini ishletken, atalmish «irqiy qirghinchiliq» dewalirini yaqlaydighan sözlerni qilmighanidi.
29 – öktebirde awam palata omumiy kéngishide ötküzülgen bélet tashlashta, ermen weqelirini étirap qilishni mezmun qilghan bir qarar qobul qilinghanidi. türkiye bolsa qarargha naraziliq bildürüp, mezkur qedemlerning «inawetsiz» ikenlikini tekitligenidi.
