gérmaniyede partlash yüz berdi
gérmaniyening zaksin anxalt (Sachsen Anhalt) ishtatining blenkinburg (Blankenburg ) shehiridiki bir binada partlash yüz berdi.
türkiye awazi radiyosi xewiri: gérmaniyening zaksin anxalt ishtatining blenkinburg shehiridiki bir binada partlash yüz bérip, bir kishi jénidin ayrildi, eng az dégende 25 kishi yarilandi.
saqchi terepning bayanatida bildürülüshiche, partlashning shu yer waqti 08:55 ötkende blenkinburg shehiri bériytold bréyx (BertholdBrecht) kochisidiki bir binada partlash yüz bergen bolup, eng az dégende 25 kishi yarilanghan, bir kishi jénidin ayrilghan.
tekshürüshlerde qeyt qilinishiche, partlash binaning birinchi qewitidiki öyde yüz bergen bolup, jénidin ayrilghan kishining jesiti ashu öydin tépilghan.
saqchilarning gaz partlishi éhtimalini nezerde tutuwatqanliqi eskertildi.
binadikilerning tarqaqlashturulghanliqi we yéqin etraptiki balilar yeslisiningmu tarqaqlashturulghanliqi qeyt qilindi.
