b d t türkiye-liwiye kélishimi toghrisida bayanat élan qildi
b d t eza döletlerning déngizgha bolghan igilik hoquqi, igilik heq-hoquqliri we hoquq dairisige munasiwetlik mesililerde meydanini belgilimigenlikini bildürdi.
türkiye awazi radiyosi xewiri: b d t bayanatchisi farhan heq türkiye bilen liwiye otturisida déngiz hoquq dairisini belgileshke muansiwetlik imzalanghan kélishim toghrisida toxtilip, b d t ning eza döletlerning déngizgha bolghan igilik hoquqi, igilik heq-hoquqliri we hoquq dairisige munasiwetlik mesililerde meydanini belgilimigenlikini, biraq yépiq yaki yérim yépiq bolghan belilik rayonlarda üchinchi terepning menpeetlirining nezerde tutulushi kéreklikini eskertti.
u kündilik axbarat élan qilish yighinida, munasiwetlik barliq tereplerge bu xildiki sezgür mesililerde diyalogni dawamlashturushni we pikir oxshimasliqlirigha tinchliq usulliri bilen hel qilish charisi tépishni chaqiriq qildi.
girétsiye b d t bash katipi antoniyo gutérrsqa we b d t xewpsizlik kéngishining dékabir éyidiki nöwetchi reisi amérikaning b d t da turushluq daimiy wekili kélly kreft (Kelly Craft) qa mektup ewetip, türkiye üstidin erz qildi.
türkiyening xelqara déngiz qanuni kélishimlirige xilapliq qilghanliqini ilgiri sürgen girétsiye, b d t xewpsizlik kéngishini yighingha chaqirdi.
2019-yili 27-noyabir türkiye bilen liwiye otturisida «xewpsizlik we herbiy hemkarliq kélishimi» we «déngiz hoquqi dairisini belgileshke munasiwetlik kélishim» imzalanghan idi.
