donald tramp yehudiylargha: «siler hergizmu yaxshi ademler emeskensiler» dédi
amérika pirézidénti donald tramp filorida ishtatida yehudiy saylighuchilargha sözligen nuqtida, «siler hergizmu yaxshi ademler emeskensiler, biraq manga awaz bérishke mejbursiler. eger ular saylinip qalsa, 15 ménuttila ishsiz qalisiler» dédi.
türkiye awazi radiyosi xewiri: pirézidént donald tramp 2020 – yilida ötküzülidighan pirézidéntliq saylimi üchün yighilishlarni ötküzüshni bashlighan bolup, bu dairide saylamning eng halqiliq orunliridin birsi bolghan filorida ishtatigha yétip bardi.
donald tramp filorida ishtatida israiliye – amérika kéngishi rehberler yighinida yehudiylargha nutuq sözlidi we israiliyeni «eng yéqin dostum» dep teriplidi.
donald tramp sözini dawamlashturup, «siler obdan bilisiler, siler rehimsiz qatillarsiler. hergizmu yaxshi ademler emeskensiler. biraq manga awaz bérishke mejbursiler. bashqa tallishinglar yoq. pokahontas (élizabit warrén) ge awaz bermenglar. silerge shuni déyeleymenki, xususiy bayliq béjini qollap awaz béridighan kishiler emes siler. méni yaxturmisanglarmu, (beziliringlar qetiy yaxturmaysiler) beziliringlarni eslide menmu héch yaxturmaymen. shundaqtimu méning eng chong qollighuchilirim bolisiler. chünki eger ular saylinip qalsa, 15 ménuttila ishsiz qalisiler, shunga bu ishqa köp waqitimni serp qilishqa mejbur emesmen» dédi.
donald trampning sözliri yighin zalini külkige toldurdi.
donald tramp yehudiylarning omumen démokratchilar partiyesige awaz bérishini tenqid qildi.
