seudi erebistanliq herbiy oqughuchining amérikadiki herbiy bazigha qilghan hujumi térrorluqmu?
amérikaning florida ishtatida turushluq déngiz armiyesining hawa armiye bazisi pénsakola (Pensacola) gha jüme küni qilinghan hujumning, «térrorluq hujumi» dégen perez asasida tekshürülüwatqanliqi bildürüldi.
türkiye awazi radiyosi xewiri: amérika fédératsiye tekshürüsh idarisi «FBI» ning mesuli rachél l rojas, buninggha oxshaydighan nurghunlighan weqelerdikige oxshash, bu weqenimu «térrorluq hujumi» dégen perez asasida tekshürüshni dawamlashturuwatqanliqini éytti.
hujum qilghuchi seudi erebistan hawa armiyesige tewe 21 yashliq muawin ofitsér muhemmed alishamranining weqe tughdurushtin qisqighine waqit ilgiri twitér hésabida amérikani tenqid qilghanliqi, israiliyeni qollap - quwwetlesh we musulmanlargha düshmenlik qilish bilen eyibiligenliki ilgiri sürüldi.
fédératsiye tekshürüsh idarsi «FBI» mesuli rachél l rojas weqedin kéyin seudi erebistanliq bir qomandanning bazidiki oqughuchilargha buyruq chüshürüp, barliq oqughuchilarning herbiy bazining chétide turushi kéreklikini buyrighanliqini éytti hemde: «hujum qilghuchigha yéqin nurghunlighan seudi erebistanliq oqughuchilar bar. ular tekshürüshte yardemchi boluwatidu. seudi erebisan hökümitimu bizni toluq qullawatidu» dédi.
muhemmed alishamranining hujumda filoridadin qanunluq halda sitiwalghan «Glock» markiliq qoralni ishletkenliki bildürüldi.
jüme küni (2019-yili 6-dékabir) 16 mingdin artuq esker we 7400 neper memuriy wezipe öteydighan hawa armiye bazisi pénsakolada yüz bergen qoralliq hujumda 3 kishi ölüp, 8 kishi yaridar bolghan idi.
hujum qilghuchi bolsa, amanliqni saqlash qisimliri bilen yüz bergen étishishta ölük halda qolgha chüshken idi.
amérikada herbiy telim-terbiye üchün 153 dölettin 5000 din artuq chet ellik oqughuchi bar bolup, bularning ichide 800 din köpreki seudi erebistanliq oqughuchilardin teshkil tapidu.
