ruhani amérika bilen muzakirelerge yéshil chiragh yaqti
iran pirézidénti hesen ruhani eger muzakireler amérikaning pilanlirini we süyiqestlirini muweppeqiyetke érishtürmise, muzakirelerning zörür ikenlikini bildürdi.
türkiye awazi radiyosi xewiri: iran pirézidénti hesen ruhani téhrandiki pidagogika uniwérstétida söz qilghanda, amérika bilen qaytidin söhbet üstilige olturush mesiliside yéshil chiragh yaqti.
u amérika bilen tüzülgen yadro kélishimining irangha paydiliq ikenlikini eskertip, kélishimdin burun künlüki 1 milyon waril bolghan néfit éksportini, mezkur kélishim saysida 2 milyon 800 ming warilgha chiqarghanliqlirini qeyt qildi.
u amérika bilen qaytidin muzakire ötküzüsh heqqide toxtalghanda: «düshmen bésim qiliwatidu, iran qarshiliq körsitiwatidu. eger muzakire düshmenning pilanlirini we süyiqestlirini muweppeqiyetsiz qilsa, tégishlik, zörür we inqilabiy qedem bolidu» dédi.
iranda namayishlarning partlishigha seweb bolghan bénzin bahasining östürülüshi üstide toxtilip, éhtiyajliq bolushigha qarimay, hökümetning buningdin qilinghan barliq kirimni xelqqe tarqitidighanliqini bildürdi.
