iranda namayish sewebidin intérnétning cheklinishi éghir iqtisadiy ziyangha yol achti
intérnétning cheklinishi tüpeylidin köchme xewerlishish istansilirining 90 milyon dollar ziyangha uchrighanliqi we soda - sanaetchilerning téximu kaöp ziyan tarqanliqi bildürüldi.
türkiye awazi radiyosi xewiri: iran uchur – alaqe téxnikisi ministiri muhemmed jewad azeri chéhromi bénzin bahasining örlitilishige qarshi namayishlar jeryanida, dölet miqyasi boyiche intérnétning üzüp tashlanghanliqi sewebidin yan fon, köchme xewerlishish istansilirining 90 milyon dollar ziyangha uchrighanliqini éytti.
ministir muhemmed jewad azeri chéhromi iranliq oqughuchilar xewer agéntliqi «ISNA» gha bergen bayanatida, intérnétning cheklinishi sewebidin soda paaliyetlirini intérnét arqiliq qilidighan shirketler we sodigerlerning eng köp ziyan tartqanliqini bildürüp, soda uyushmiliri we soda – sanaetchiler birleshmiliri bilen ötküzülidighan muzakirilerdin kéyin bularning tartqan ziyanlirining omumiy yüzlük élan qilidighanliqini éytti.
uchur – alaqini retke sélish orginining doklatida, yan fon, köchme xewerlishish istansiliridiki mulazimet toxtap kétishi sewebidin 90 milyon dollar ziyan tartqanliqi we iran döletlik pochta idarisining kündilik kirimningmu %40 töwenlep ketkenliki qeyt qilindi
iranda dölet miqyasigha kéngiyip kétiwatqan namayishlarning aldini élish üchün iran dölet bixeterlik aliy kéngishi teripidin maqullanghan qarargha binaen 16 - noyabirda intérnét üzüp tashlanghanche 25 noyabirda bezi rayonlarda simliq léniye arqiliqla intérnétni ishlitishke yol qoyulghan idi.
yan fonlarning intérnét ulinishi bolsa, yaytext téhranning gherbiy rayoni bilen huzistan we sisitan – béluchistan ölkiliride téxiche eslige kelgini yoq.
amérika yürgüzgen émbargolarningmu tesiride iqtisadi jehettin éghir künlerni bashtin kechüriwatqan iran xelqi, 15 – noyabirda bénzin bahasining östürülgenliki jakarlanghandin kéyin, keng – kölemlik namayish bashlighan idi.
iranning nurghunlighan sheherliride 3 küngiche dawamlashqan namayishlar esnasida hökümet binaliri, bankilar we may qachilash ponkitliri ziyangha uchritilghan shundaqla soda saraylar talan – tarach qilinghan idi.
namayishqa chétishliq 7000 kishi nazaretke élinghanliqi élan qilinghan bolup, xelqara kechürüm teshkilatimu namayishlarda az dégende 161 kishining öltürülgenlikini jakarlighan idi.
