eli hamanéy saqchilarning namayishni basturghanliqini medhiyelidi

türkiye awazi radiyosi xewiri: iran rehbiri eli hamanéy irandiki bénzin bahasining östürilishige qarshi namayishlargha baha bérip, «keng – kölemlik we xeterlik suyiqest idi» dédi.

iran médiyaisning xewereliride, eli hamanéyning partizan qisimlar heptisi paaliyetliri munasiwiti bilen paytext téhranda sözligen nutiqida, namayishchilarni bezilerning iqtisadiy jehettin qollap – quwwetligenlikini éligiri sürüp, «bénzin bahasining östürülishini bahane qilip, ölüm we weyranchiliqi meqset qilghan keng – dairilik, chongqur we intayin xeterlik bir suyiqest iran xelqi teripidin buzup tashlandi» dédi.

saqchilarning namayishchilargha qilghan mudaxilisini medhiyeligen eli hamanéy namayishlar basturulghandin kéyin, iran düshmenlirining arqigha dajighanliqini éytti.

amérikaning émbargoliriningmu tesiride iqtisadiy jehettin qéyin künlerni bashtin kechüriwatqan iran xelqi, 15 – noyabirda bénzin bahasining 3 hesse östürülgenliki élan qilinghandin kéyin omumiy yüzlük namayishlarni bashlighan idi. 

iranning nurghun sheherliride 3 küngiche dawmlashqan namayishlarda, döletke tewe binalar, bankilar we may qachilash ponkitliri buzghunchiliqqa uchrighan idi.

namayishlarda 7000 kishi nazetke élinghan bolup, xelqara kechürüm teshkilatimu namayshilarda eng az 143 kishining öltürülgenliki élan qilghan idi.