tramp özini wezipidin élip tashlash tekshürüshliri dairiside, ipade bérishni oylashmaqta
amérika pirézidénti donald tramp palataning özini wezipisidin élip tashlash tekshürüshliri dairiside, ipade bérishni jiddiy oylishwatqanliqini élan qildi.
türkiye awazi radiyosi xewiri: donald tramp awam palatasida dawamlishiwatqan özini wezipisidin élip tashlash tekshürüshliri heqqide twittér hésabidin élan qilghan bayanatida, awam palatasi bashliqi nensiy pélosining tünügün (18-noyabir) qatnashqan «Face the Nation» (xelqning yüzi) namliq pirogrammida, özini tekshürüshte ipade bérishke chaqirghanliqini eskertti.
nensiy pélosining «ipadini yazma shekilde bersimu bolidu» dégenlikini eskertken donald tramp, «gerche xata ish qilmighan bolsammu we buning axirisi yoq saxtipezlik herikitini étibargha ige qilishini xalimisammu, yenila bu pikirni yaxqturdum. palataning qaytidin öz xizmetlirige merkezlishishi üchün bu pikirni jiddiy oylishimen» dédi.
amérika pirézidénti donald trampning ukraina pirézidénti wladimir zélénskiy bilen iyul éyida ötküzgen téléfon söhbitide, zélénsikiygha reqibi jo baydin we ailisini tekshürgen qilghan teqdirde, amérikaning ukrainagha yardem qilidighanliqini éytqanliqi ilgiri sürülgen idi.
amérika palatasidiki démokratchilar bu xewerni asas qilip, donald trampni wezipisidin élip tashlash herikitini bashlighan idi.
