ruhaniy: rayonning mesililiri shu rayon döletliri teripidin hel qilinishi lazim

türkiye awazi radiyosi xewiri: hesen ruhaniy paytext téhranda ötküzülgen wehdet konféransidiki nutuqida, rayonning weziyiti üstide toxtaldi. 

amérikining «yüz yilining kélishimi» dep atighan layihesi arqiliq pelestin meslisini pul bilen hel qilishqa we israiliyenimu islam dunyasida normal bir dölet süpitide qobul qildurushqa uruniwatqanliqini eskertken ruhaniy, «rayonning mesililirini shu rayondiki döletler we xelqler hel qilishi lazim. bashqilar mesililerni hel qilalmaydu. ular daim qéyinchiliq yaritidu. amérika rayonning we islam dunyasining dosti emes» dédi. 

hesen ruhaniy amérikaning oyunliri sewebidin afghanistan, iraq we yemendiki urushlar bilen islam döletliri otturisidiki ixtilaplarning meydangha kelgenlikini ilgiri sürüp, amérika pirézidénti donald trampning süriyening sherqiy shimalidiki néfit menberlirige alaqidar bayanatlirigha naraziliq bildürdi.

hesen ruhaniy: «amérika rehberliri öz nishanlirining süriyediki néfit quduqliri ikenlikini mana bügünki künde uchuq ashkara tilgha élishmaqta. aq saraydin ilgiri bundaq ochuq sözlerni anglimighan idim. amérikaning nishani musulmanlarning bayliq menbelirini talan taraj qilish bolsimu, lékin bu gepni ularning özidin anglap baqmighan idim» dédi.

ruhaniy iraq we liwandiki weqeler üstidimu toxtilip, «iraq xelqi bayashatliq, tereqqiyat we mesililerning hel qilinishi üchün meydanlargha chiqip, rehberlirini agahlandurmaqta. biraq amérika bu namayishlarni suyiitémal qilip, bir isyangha, ixtilapqa we ölümge aylandurushning koyida bolmaqta. liwan xelqi iqtisadiy mesililiri üchün kochilargha chiqip, rehberlirining mesililerni hel qilishini teleb qilmaqta. amérika bolsa, buni liwanning ichki urushigha aylandurushqa urunmaqta» dédi.