seudi erebistanda tiyatir jeryanida bir kishi 3 artisni yaridar qildi
seudi erebistanda padishah abdullah baghchisi tiyatirxanisida sehnileshtürülgen bir tiyatir jeryanida, pichaq bilen hujum qilish weqesi yüz bérip, 1 ayalni qoshqanda jemiy 3 senetchi yaridar boldi.
türkiye awazi radiyosi xewiri: seudi erebistanda chiqidighan ukaz gézitining xewirige asaslanghanda, riyad saqchiliri bayanat élan qilip, tiyatir sehniside 3 artisqa pichaq bilen hujum qilghan bir erebning qolgha élinghanliqini uqturghan.
intérnét betliride tarqitilghan körünüshlerde, tiyatir sehniside artislargha bir kishining bichaq bilen hujum qilghanliqi körünidu.
bu weqening seudi erebistandiki köngül échish heyitige qarshi naraziliqlar yuqiri pellige chiqqan bir peytte yüz bergenliki qeyt qilindi.
köngül échish heyitining seudi erebistanda her xil köngül ichish paaliyetlirini orunlashturushi, seudi erebistanning qimmet qarashlirigha, örp – adet we enenilirige zit bolghanliqi sewebidin éghir tenqidlerge duch kelmekte idi.
seudi erebistanda yéqinqi mezgildin buyan élan qilinghan bayanatlar arqiliq ayallargha aptomobil heydesh, bashpanah ruxsitisizmu öz aldigha shirket qurush, edliye ministirliqida ishlesh, tenterbiye musabiqilirini körüsh üchün tenterbiye zallirigha erkin kirish qatarliq heq – hoquqlar bérilgen idi.
seudi erebistanning 2030 – yilliq nishani, ayallarning soda – sanaet sahesige qatnishish nisbitini %22 din %30 ge chiqirishni öz ichige alidu.