shimaliy koréye: amérikining «düshmen»lerche siyasiti söhbet imkaniyitini taraytiwetti
shimaliy koréye, amérika qoshma ishtatlirining piyongyang dairilirini yene térrorizmning maliye bilen teminligüchisi dep atishining, terepler arisidiki yadro söhbiti diplomatiyesining imkaniyetlirini azaytiwetkenlikini bildürdi.
türkiye awazi radiyosi xewiri: shimaliy koréye tashqi ishlar ministirliqi bayanat élan qilip, amérikining 2018 – yilliq térrorizm doklatining, yene bir qétim amérikining piyongyang dairilirigha qarshi düshmenlerche siyasiti we qatmal öchmenlikini dawamlashturuwatqanliqini delillep bergenlikini eskertti.
bayanatta, doklatqa isharet qilinghan halda «(bu) bir diyalog shérikige haqaret we xiyanet qilish (tur). shimaliy koréye bilen amérika qoshma ishtatliri arisidiki diyalog qanili barghanséri taraymaqta» déyildi.
amérikining 2018 – yilliq térrorizm doklatida iran, sudan, suriye we shimaliy koréye térrorizmning maliye bilen teminligüchiliri katégoriyesige qoyulghanidi.
doklatta, shimaliy koréyening yadro qorallar arqiliq rayongha we qoshnilirigha xewp yetküzgendin sirt, bashqa döletlerde suyiqestlerni ijra qilghuzghanliqi ilgiri sürülgenidi.
