kabul hökümiti amérika bilen talibanning tinchliq söhbetlirige qatnishishni xalaydighanliqini bildürdi
afghanistan hökümiti, amérika qoshma ishtatliri bilen talibanning qaytidin bashlinishi pilanliniwatqan tinchliq söhbetlirige ishtirak qilishni xalaydighanliqini bildürdi.
türkiye awazi radiyosi xewiri: afghanistan tashqi ishlar ministirliqi bayanatchisi giran xiwad bayanat bérip, amérika bilen talibanning buningdin burunqi tinchliq söhbetlirige afghanistan hökümitining wekilliri teklip qilinmighanliqi üchün, bu tirishchanliqlarning ünümsiz axirlashqanliqini éytti.
amérika qoshma ishtatliri pirézidénti donald tramp, amérika bilen taliban arisida 2018 – yili dékabirdin buyan dawamlishiwatqan tinchliq söhbetlirini 5 – séntebirde afghanistandiki amérika eskerlirige qilinghan hujumning jawabkarliqini taliban üstige alghandin kéyin emeldin qaldurghanidi.
söhbetler toxtap ketkendin kéyin, taliban tinchliq söhbitini dawamlashturush üchün moskwagha heyet ewetkenidi.
afghanistan pirézidénti eshref ghéni rehberlikidiki hökümetni éghir xewp dep qaraydighan taliban teshkilati, nöwette afghanistanning köpligen jaylirida höküm sürmekte.
hökümet yéqinqi yillarda uda bir qanche qétim taliban bilen tinchliq ornitish üchün küch chiqarghan we bu dairide tinchliq kéngishi qurghan bolsimu, hazirghiche birer netijige érishelmidi.
