pakistanda poyizgha ot kétip 62 kishi jénidin ayrildi
pakistanning liyaqetpur nahiyesige yéqin jayda bir poyizning 3 wagonigha ot kétip, deslepki melumatlargha asaslanghanda, 62 kishi hayatidin ayrilghan.
türkiye awazi radiyosi xewiri: pakistan tömür yolliri ministiri sheyix reshid ehmed élan qilghan bayanatida, pakistanning jenubidiki karachi shehiridin shimaldiki rawalpindi shehirige qarap yolgha chiqqan «Tezgram Exspres» namliq poyiz, rehim yarxan shehirige tewe liyaqotpur nahiyesige yiqin jaygha kelgende partlash yüz bérip, wagongha ot ketkenlikini bildürdi.
sheyix reshid ehmed partlashqa yolichilar birge élip mangghan we nashtiliq teyyarlash üchün ishlitidighan ikki kichik gaz tungining seweb bolghanliqini bildürüp, bezi yolichilarning partlashtin kéyinki ottin qéchip, poyizdin sekrigenliki tüpeyli jénidin ayrilghanliqini uqturi.
rehim yarxan saqchi idarisi bashliqi amir timur «Geo News» xewerler torigha bergen bayanatida, 3 wagongha ot kétip, partlash yüz bergenlikini we ölgenler sanining 62 kishige yetkenlikini éytti.
yene bir tereptin pakistan armiyesimu qutquzush we dawalash xizmetlirige yardemchi bolush üchün herbiy doxturlarni rayondiki doxturxanilargha we weqe yüz bergen jaygha yollidi.
pakistan armiyesi yene, ehwali éghir bolghan yaridarlarni bashqa doxturxanilargha yötkesh üchün tik uchar ayropilan yollaydighanliqini élan qildi.
