donald tramp baghdadini ujuqturush herikitige dair yalghan resim hembehirleshti

türkiye awazi radiyosi xewiri: amérika pirézidénti donald tramp daésh kattibéshi ebu bekir el baghdadini ujuqturush herikitide yaridar bolghan apsharkigha médalyon taqawatqan emma özgertilgen resim ikenlikini bilinip turidighan bir resimni hembehirleshti. 

donald trampning tiwittér hésabida, süriyede shenbe künidiki baghdadi ölük halda qolgha chüshken herbiy herikette wezipe ötigen bir apsharkigha médalyon taqawatqan resimini «amérika qehrimani» dégen söz bilen hemberhirleshken idi.

özgertish kirgüzülgenliki bilinip turidighan bu resimning eslide tramp teripidin bir wéyétnam urushi qehrimani eskerge médalyon taqighan murasimda tartilghanliqi, emdilikte bolsa, mezkur qehriman eskerning ornigha apsharkining resimini qoyup, resimge özgertish kirgüzülgenliki ashkarilandi. 

trampning tiwittér hésabi bash resimigimu qoyulghan bu yalghan körünüsh ijtimaiy taratqularda shundaqla amérika metbuatlirida mesxire témisigha aylandi.

daésh kattbéshi baghdadi amérika alahide qisimlirining 8 tik uchar ayropilan bilen idlibning shimalida élip barghan herikitide ölük halda qolgha chüshken idi.

donald tramp baghdadining özi turushluq öyning astidiki chiqish éghizi bolmighan tönelerdin birsige kirgendin kéyin, bedinige téngiwalghan bombini partlitip, 3 kichik bala bilen birlikte ölüwalghanliqini élan qilghan idi.

tramp herbiy heriket esnasida yaridar bolghan apsharkining resimini hembehirleshken biraq apsharkining isimini mexpiy tutqan idi.