méksika xelqining köpinchisi «teshkillik jinayetchiler guruhi hökümettin köchlük» dep qaraydiken

türkiye awazi radiyosi: «Reforma» géziti, zeherlik chékimlik etkeschi guruhining katibéshi el chapu (yeni pakinek) leqemlik jokuin guzmanning oghulliridin owido guzman lopéz 17 – öktebirde saqchilar teripidin nazaretke élinghandin kéyin, méksikida yüz bergen toqunushlargha qarita ray sinash élip barghan.

ray sinashta, méksika xelqning %56 i «teshkillik jinayetchiler guruhi hökümettin téximu küchlük» dep qaraydighanliqini %33 i bolsa, «hökümet teshkillik jinayetchiler guruhidin küchlük» dep qaraydighanliqini bildürgen we qalghan %11 i pikir bildürmigen.

ray shinashta, xelqning %45 i zorwanliq weqeliri yüz bergendin kéyin guzmanning qoyup bérilgenlikige qarita «toghra ish» dep baha bergen. %49 i bu qararning toghra bolmighanliqini ilgiri sürgen.

amérikida tutup turiliwatqan guzmanning oghli owido guzman peyshenbe küni sinalo ishtatigha qarashliq juliyakan shehiridiki öyidin nazaretke élinghan bolup, jinaychiler guruhi ezaliri uni nazaretke alghan amanliqni saqlash xadimlirigha yardem qilish üchün kétwatqan eskerlerge hujum qilghandin bashqa yene, sheherning oxshash bolmighan jaylirida zorawanliq heriketlirini bashlighan idi.

kochilarda aptomobillargha ot qoyup, hökümet binalirigha, karxana we dokanlargha shundaqla xelqqe qalaymiqan oq chiqirishqa bashlighan hemde yene, sheherdiki türmidin 51 mehbusning qéchip kétshigimu seweb bolghan idi.

weqede 5 neper jinayetchiler guruhi ezasi, bir neper döletlik amanliqni saqlash xadimi, bir mehbus we bir puqra jénidin ayrilghan. köpinchisi amanliqni saqlash xadimliridin teshkil tapqan jemiy 16 kishi yaridar bolghan idi.

weqedin kéyin méksika pixeterlik kabénti jiddiy yighin chaqirip, guzmanning qoyup bérilishi we amanliqni saqlash qisimlirining chékinishi heqqide qarar maqullighan idi.