iran pirézédinti ruhanining ukisi türmige tashlandi
iran pirézédinti hesen ruhanining bir mezgil meslihetchilik wezipisini ötigen ukisi huseyin féridon chiriklik jinayiti bilen eyiblinip, sotta 5 yilliq qamaq jazasigha höküm qilinghandin kéyin, jazasini ijra qilish üchün türmige yollandi.
türkiye awazi radiyosi xewiri: iranning yérim resmiy xewer agétliqi «Tesnim» ning xewerlirige asaslanghanda, huseyin féridon jazasining ijra qilinishi üchün paytext téhrandiki ewin türmisige yollanghan.
iran sot mesulliri teripidin mayda élan qilinghan bayanatta, huseyin féridonning chiriklik bilen eybilinip, 7 yilliq qamaq jazasigha höküm qilinghanliqi bildürülgen bolup, bayanatta yene, huseyin féridonning hökümge naraziliq bildürüp, aliy sotqa erz qilghanliqi qeyt qilinghan idi. axirida sot bayanatchisi ghulam huseyin ismaili 1 – öktebirde élan qilghan bayanatida, aliy sotning huseyin féridungha bérilgen 7 yilliq qamaq jazasini 5 yilgha chüshürgenlikini uqturghan idi.
bayanatchi ghulam huseyin ismaili féridunning para alghanliqi tüpeyli jazagha tartilghanliqini élan qilghan idi.
huseyin féridun 1989 – yilidin 1997 – yilighiche iranning kualalampuda turushluq bash elchisi bolup wezipe ötigen idi. akisi pirézidént hesen ruhaniy bolsa, öktichiler teripidin «chiriklik, parixorluq we bir bankigha mudir teyinlinishge yolsizliq bilen arilishish» qatarliqlar jinayetler bilen eyiblengen idi. bu eyibleshler bolupmu 2017 – yilidiki pirézidéntliq saylimidin ilgiri öktichiler teripidin köp qétim küntertipke élip kélingen idi.
huseyin féridun 2017 – yili iyul éyida bir chiriklik délosi dairiside nazaretke élinghan, biraq qisqa waqittin kéyin kapaletke qoyup bérilgen idi.
pirézidént hesen ruhaniyning yéqinliri huseyin féridungha qaritilghan eyibleshlerning siyasiy meqsetlik ikenlikini ilgiri sürüshken idi.
iran pirézidénti hesen ruhaniy 1979 – yilidiki islam inqilabidin ilgiri eslidiki «féridon» dégen familisini «diniy zat» dégenni bildüridighan «ruhani»gha özgertiwalghan idi.
