rusiye: türkiyening bixeterlikini saqlashqa qaritilghan herikitini bilimiz we qobul qilimiz

türkiye awazi radiyosi xewiri: rusiye krémil sariyining bayanatchisi dmitriy péskow türkiyening süriyening shimalida élip baridighan herbiy heriket éhtimalliqi üstide toxtalghanda: «türkiyening özining bixeterlikini saqlashqa qaritilghan herikitini bilimiz we qobul qilimiz» dédi.

u muxbirlarning soallirigha jawab bergende, türkiyening süriyening zémin pütünlüki we siyasiy pütünlükidin ibaret aldinqi shertke boysunidighanliqini, krémilning buni bilidighanliqini tekitlidi.

u türkiyening süriyediki herbiy herikitini özining bixeterlikini qoghdash üchün qilghanliqini we buni rusiyening bilidighanliqini xatirilitip: «türkiyening öz bixeterlikini saqlashqa qaratqan heriketlirini bilimiz we qobul qilimiz» dédi.

u amérika pirézidénti donald trampning türkiyening herbiy heriket qozghishigha qoshulmaydighanliqini élan qilishining, amérikaning rayondin chékingenlikini bildürüp-bildürmeydighanliqi soaligha: «biz bu signal heqqide qarar qilalmaymiz» dep jawab berdi.

u: «rusiyening ornini asasen bilisiler. bu orun yéqin kelgüside süriye zéminlirida qanunsiz turuwatqan barliq chet el küchlirining süriye zéminidin chiqip kétishi kéreklikini éytqan pirézidént wladimir putin teripidin yene bir qétim tekrarlandi. bu bizning ornimzining asasi» dédi.

u pirézidént wladimir putin we türkiye jumhur reisi rejep tayyip erdoghanning bu künlerde türkiyening süriyening shimalida élip baridighan herbiy heriketni muzakire qilmighanliqini bildürüp: «rusiye bilen türkiye otturisida herbiy we istixbarat uchrishishliri zich hemde tertiplik bolush alahidilikige ige» dédi.