yawropa parlaménti engliyening yéngi teklipini ret qildi
yawropa parlaméntining engliyening yawropa ittipaqidin chékinishige yétekchilik qilish guruppisi, engliye otturigha qoyghan yéngi teklipning kélishim tüzüsh üchün asas bolalmaydighanliqini élan qildi.
türkiye awazi radiyosi xewiri: yawropa parlaménti engliye yéngidin otturigha qoyghan yawropa ittipaqidin chékinish teklipining ret qilinghanliqi toghrisida bayanat élan qildi. yawropa parlaméntining bu heqtiki bayanatida: «engliye hökümiti otturigha qoyghan yéngi teklip, yawropa parlaménti testiqlaydighan bir kélishim üchün asas bolalmaydu, dep qaraymiz» déyildi.
bayanatta, teklipning mesilini heqiqiy türde hel qilidighan témilarni öz ichige almaydighanliqi eskertilish bilen birge, bolupmu «xeyrilik jüme kélishimi» ni qoghdash, barliq aralning iqtisadiy we ortaq bazarning bir pütünlükige ehmiyet bérishning muhimliqi qeyt qilindi.
yawropa parlaméntining «kérekke kélidighan we qanuniy jehettin ijra qilghili bolidighan hel qilish chareliri» ni muzakire qilishqa teyyar ikenliki eskertilgen bayanatta, engliyening yéngi teklipining bu shertlerni hazirlimighanliqi we ortaq menpeetlerge xizmet qilmaydighanliqi tekitlendi.
engliye bash weziri boris jonson yawropa ittipaqigha, ret qilinghan yawropa ittipaqidin chékinish kélishimidiki talash-tartish qozghighan «tedbir maddisi» ni, shimaliy irélandiyening 2025-yilighiche yawropa ittipaqi bilen alahide munasiwet ichide turushqa özgertishni teklip qilghan idi.
