shinzo abé kim jongun bilen shertsiz uchrishishni xalaydighanliqini bildürdi
yaponiye bash ministiri shinzo abé shimaliy koréye rehbiri kim jongun bilen héchqandaq shert qoshulmighan ehwal astida uchrishishni xalaydighanliqini bildürdi.
türkiye awazi radiyosi xewiri: shinzo abé yaponiye parméntidiki échilish nutuqida «pirézidént kim jongun bilen héchqandaq shert qoshulmighan ehwal astida yüzmu – yüz körüshte qetiy iradige igimen» dédi.
buningdin ilgiri kim jongun bilen körüshüsh üchün yadroluq qoralardin paklinish meslisi we shimaliy koréye teripidin 1970 – yildin 1980 yilighiche bolghan arilqta tutup kétilgen yaponiye puqraliri meslisi heqiqide ilgirilesh körülishi kéreklikini shert qoshqan bolup, emdilikte shinzo abé kim jongun bilen shertsiz körüshüshke teyyar ikenlikini, buning üchün pursetlerdin paydilinish kéreklikini bildürdi.
shinzo abé shimaliy koréyening aldinqi küni yéngi bir bashqurulidighan bomba sinaq qilghanliqi üstidimu toxtilip, «xelqimizning bixeterlikini qoghdash üchün amérika we xelqara jamaetchilik bilen yéqin hemkarliq ichidimiz» dédi.
shimaliy koréyening 1970 – yilidin 1980 – yilighiche bolghan ariliqta tutup ketkenliki ilgiri sürülgen yaponiye puqraliri ikki dölet munasiwetlirige ötmüshtin béri eng éghir tesir körsetken mesililerdin birsi bolup, «yaponiye puqraliri shimaliy koréye jasusliri teripidin tutup kétligen» dep qaralmaqta.
shimaliy koréye hökümitining bu puqralarni shimaliy koréye jasuslirigha yaponche ögitish üchün ishlitiwatqanliqi we yaponiye puqralirini jasusluqqa sélish üchün terbiyelewatqanliqi ilgiri sürülmekte.
