ismail heniyye erdoghangha rexmet éytti
hamasning siyasiy bérusi bashliqi ismail heniyye jumhur reis rejep tayyip erdoghangha tünügün b d t omumiy kéngishida dunya rehebrlirige xitaben sözligen nutiqida, pelestinge alaqidar tarixiy ehmiyetke ige jesur sözlerni qilghanliqi üchün alahide rexmet
türkiye awazi radiyosi xewiri: ismail heniyye jumhur reis erdoghan üchün élan qilghan uchuq mektubida, erdoghanning dunya rehberlirige 1947 – yilidin künimizgiche bolghan pelestin tirrétoriyesini namayan qilip béridighan xeritini körsitip, tarixiy ehmiyetke ige qilghan sözliridin intayin memnun bolghanliqini bildürdi.
ismail heniyye ochuq mektubida mundaq dédi:
«b d t omumiy kéngishide dunya rehberlirining aldida pelestining ishghaliyet astidiki zéminlirini körsitip, pelestin xelqi bilen hemkarliq ichide ikenlikingizni bildürgen nutuqingizni, ishghaliyet astidiki quddusni we mesjidi eqsani qoghdap qilghan sözliringizni shundaqla pelestinning tarixiy xeritisini körsetkiningizni hem pelestinde, hem diasporada yashawatqan pütün xelqimiz bilen birlikte zor ishtiyaq we medhiyeler bilen kördüq. bundaq sözlerge we bundaq bir yighingha tunji qétim shahit bolmaqtimiz. pelestin xelqi israiliyening 70 yildin köprek waqittin buyan dawamlashturiwatqan ishghaliyet siyasitini namayen qilip bergen we pelestinning döletlik heq – hoquqliri we pirinsiplirining süpürüp tashlinishigha qarita sadasiz qalghan döletlerning pozitsiyesini échip karsitip qoyghan bu jesur, tarixiy ehmiyetke ige sözliringizdin intayin iptixarlanduq we iptixarlinimiz»
erdoghanning tünügünki nutuqida barliq islam dunyasining wijdanigha wekilliq qilghanliqini tilgha alghan ismail heniyye, türkiye jumhur reisining pelestin qatarliq dunyadiki barliq izilgen musulman xelqler namidin söz qilghanliqini qeyt qildi.
ismail heniyye qérindash türkiye xelqi, hökümiti we jumhur reisige pelestin xelqi bilen muqeddes zéminni qoghdash shundaqla hemkarlishish jehette oynighan tarixiy ehmiyetke ige roli hemde ghururluq tik turushi yuzisidin mintetdarliqlirini bildürdi.
