bényamin nétanyahu: seudi erebistangha qilinghan hujumning perde arqisida iran bar
israiliye bash ministiri bényamin nétanyahu seudi erebistanning milliy néfit shirkiti aramkogha qilinghan hujumning perde arqisida iranning barliqini éytti.
türkiye awazi radiyosi xewiri: bényamin nétanyahu widéo arqiliq tarqatqan uchurida, firansiye, engliye we gérmaniyeningmu 14 – séntebir küni yüz bergen hujumning jarabkari iran dep qaraydighanliqini eskertip mundaq dédi: «israiliye namidin késip éytalaymenki, seudi erebistanning milliy néfit shirkiti aramkogha qilinghan hujumning jawabkari irandur. israiliyening bundaq hujumlardin özini qoghdashqa küchi yétidu. xelqara jemiyetni amérika qoshma ishtatlirining téhrangha qaratqan bésim siyasitini qollashqa chaqirimen. chünki shundaq qilghandila andin iranning zorawanliqigha taqabil turghili bolidu.»
seudi erebistanning milliy néfit shirkiti aramkogha ait ikki muessese 14 – séntebir küni qoralliq uchquchisiz hawa apparatining hujumigha uchrighan, hujumdin kéyin bu muesseselerde ot apiti yüz bergenidi.
yemendiki husiylar adem ölüsh we yarilinish ehwali körülmigen bu hujumlarni 10 dane qoralliq uchquchisiz hawa apparati arqiliq élip barghanliqlirini ilgiri sürgenidi.
مۇناسىۋەتلىك خەۋەرلەر
silowéniyemu pelestinni étirap qildi
silowéniye hökümiti pelestin dölitini étirap qilish toghruluq qarar chiqardi.
