téhran: amérika bizge «biz bombardiman qilayli, siler süküt qilinglar» dep uchur yollidi
iran armiyesi qomandani mayor général abdurrehim musewi, amérika qoshma ishtatlirining özlirige «biz bir jayni bombardiman qilayli, siler süküt qilinglar. shuning bilen dewa yépilsun» dep uchur yollighanliqini ilgiri sürdi.
türkiye awazi radiyosi xewiri: mayor général abdurrehim musewi iran taratqulirida orun alghan bayanatida, amérikining chüshürüwétilgen insansiz hawa apparati we buningdin intiqam élish pilanigha dair bezi qarashlarni ilgiri sürdi.
amérikiliqlarning irangha «biz bir jayni bombardiman qilayli, siler süküt qilinglar. shuning bilen dewa yépilsun» dep uchur yollighanliqini ilgiri sürgen musewi, téhran dairilirining amérikinng telipige «eger bir (tayaq) ursanglar on (tayaq) yeysiler» dep jawab bergenlikini éytti.
u, urushning bashlanghuchining amérika qoshma ishtatlirining qolida bolush éhtimali bolsimu, tügenchisining irangha ait bolidighanliqini bildürüp, «ular toqunushni bashlisa, üstünlük bizning qolimizda bolidu we toqunushlar biz mueyyenleshtürgen waqitqiche dawamlishidu» dégenlerni qeyt qildi.
