xusiylar ebu debi we dubeygimu hujum qilidighanliqini jakarlidi

xusiylar eger ereb ittipaqdash qisimliri yemendiki hujumlirini dawamlashturidighan bolsa, seudi erebistan we ereb birleshme xelipilikige nisbeten hayatiy ehmiyetke ige téximu köp muessiselerge hujum qilidighanliqi bilen tehdit saldi.

xusiylar ebu debi we dubeygimu hujum qilidighanliqini jakarlidi

 

türkiye awazi radiyosi xewiri: xusiylar ötken shenbe küni seudi erebistanning döletlik néfit shirkiti «Saudi Aramco» gha tewe muessiselerge hujum qilghan bolup, emdilikte eger yemende ereb itipaqdash qisimliri hujumlirini dawamlashturidighan bolsa, ereb birleshme xelipilikigimu hujum qilidighanliqini jakarlap tehdit saldi.

seudi erebistan dölet mudapie ministirliqidin élan qilinghan bayanatta, «Saudi Aramco» gha tewe muessiselerge qilinghan hujumgha iranning yardem qilghanliqi bildürülgendin kéyin, xusiylarning herbiy bayanatchisi yehya seri axbarat élan qilish yighini chaqirdi. 

xusiylarning «elmesire» téléwiziye qanilida xewer qilishiche, yehya seri axbarat élan qilish yighinida, beziliri tunji qétim ishlitilgen nurghun sanda uchquchisiz hawa apparati arqiliq seudi erebistandiki bekik we haris néfit zawutlirigha hujum qilghanliqlirini élan qilghan.

yehya seri hujumlarning adettiki motorluq uchquchisiz hawa apparatliri arqiliq hujum nishanlirining musapisi we yönilishige köre, üch asasliq nuqtidin qilghanliqiini bildürüp, 1500 kélométirdin 1700 kélométrghiche musapiliq «semed» we «3nesil kashif» namliq uchquchisiz hawa appiratlirinimu shu qétimqi hujumda ishletkenlikini éytti.

yehya seri bezi hawa appiratlirining özini yoshurushtek alahidiliklirigimu ige ikenlikini tekitlep, buning pilanlash we ijra qilish jehette xusiylarning qandaq yuqiri sewiyege yétip kelgenlikini körsitidighanliqini eskertti we axbarat élan qilish yighinida, bayqighuch hawa appiratliri arqiliq hujumdin ilgiri aldin tartilghan «Saudi Aramco» gha tewe muessiselerning resimlirini körsetti.

«Saudi Aramco» gha tewe muessiselerge qilinghan hujumlarni «ikkinchi chékindürüsh tengpungluq herbiy herikiti» dep teripligen yehya seri, amérikaning ziyanni az körsitish üchün yalghan resimlerni tarqatqanliqini ilgiri sürdi.

yehya seri eslidiki weyranchiliqning étirap qilinghandinmu chong bolghanliqini tekitlidi.

yehya seri ereb ittipaqdash qisimliri eger yemendiki hujumlirini dawamlashturidighan bolsa, seudi erebistan we ereb birleshme xelipilikige nisbeten hayatiy ehmiyetke ige téximu köp muessiselerge hujum qilidighanliqi bilen tehdit sélip, ereb birleshme xelipilikining paytexti ebu debi we dubeyningmu hujum tizimlikide barliqini qeyt qildi.


خەتكۈچ: hujum , ebu debi , xusiylar

مۇناسىۋەتلىك خەۋەرلەر