donald tramp: birla téléfon bilen bir döletke bésip kireleymiz
amérika pirézidénti donald tramp irangha mudaxile qilish éhtimali üstide toxtilip, «birla téléfon bilen bir döletke bésip kireleymiz. buning bügün bolushi shert emes, ete bolsimu yaki ikki hepte kéyin bolsimu bolidu» dédi.
türkiye awazi radiyosi xewiri: donald tramp kaliforniye ishtatining méksika chégrasida soquluwatqan chégra tamlirini közdin kechürüsh jeryanida muxbilargha melumat berdi. u chégragha soquluwatqan tam arqiliq jenubi chégradiki qanunsiz köchmen mesilisini hel qilidighanliqini tekitlep: «buningdin kéyin köp adem kélelmeydighan bolidu» dédi.
donald tramp irangha herbiy mudaxile qilish éhtimali üstidimu toxtilip: «ottura sherqte némilerning bolidighanliqini waqti kelgende körimiz. mudaxile qilish her daim asan bir ish. birla téléfon bilen bir döletke bésip kireleymiz. buning bügün bolushi shert emes, ete bolsimu yaki ikki hepte kéyin bolsimu bolidu» dédi.
donald tramp aldinqi hepte wezipisdin élip tashlighan aqsaray dölet bixeterlik meslihetchisi jon bolton bilen nurghunlighan mesililerde pikir oxshimasliqi kélip chiqqanliqini tekitlep: «boltongha oxshash kishiler iraqqa bésip kirishni xalidi we ishlar anche yolida mangmidi, patqaqqa pétip qaldi. ottura sherqte saqchigha aylinip qalduq. bu intayin qorqunchluq idi» dédi.