ereb döletliri we teshkilatliri «saudi aramko» shirkitige qilinghan hujumni eyiblidi

türkiye awazi radiyosi xewiri: misir tashqi ishlar ministirliqi, hujumni eyiblidi we seudi erebistangha xewpsizlik we muqimliqni kapaletke ige qilish yolida kéreklik charilerni yolgha qoyush jehette hemdem bolidighanliqi bildürdi.

pelestin pirézidéntliq mehkimisi, mezkur hujumlarning rayondiki jiddiychilikni téximu ulghaytiwetkenlikini tekitlidi.

iyordaniye padishahi 2-abdullah, seudi erebistanliq mensepdéshi selman bin abduleziz bilen téléfon körüshüp, seudi erebistanning dölet xewpsizlikining iyordaniyening dölet xewpsizlikining bir parchisi ikenlikini bildürdi.

kuweyt tashqi ishlar ministirliqi, xelqara jemiyetni bu xil hujumlarning aldini élish üchün téximu köp küch chiqirishqa chaqirdi.

beyreyin we ereb birleshme xelipiliki tashqi ishlar ministirliqlirimu, hujumni eyiblep, seudi erebistanning sépidin orun alidighanliqlirini bildürüshti.

ereb elliri ittipaqi, seudi erebistanning döletning xewpsizlikini kapaletke ige qilish yolida tashlaydighan herqandaq qedemni qollaydighanliqini eskertti.

islam hemkarliq teshkilatimu yazma bayanat élan qilip, jinayet xaraktéridiki barliq heriketlerge qarshi ikenlikini bildürdi we seudi erebistanni qollaydighanliqini ipadilidi.

ereb döletliri tashqi ishlar ministirliri kéngishi bash katipliqi we ereb parlaméntimu hujumni eyiblidi we bu xil heriketlerning aldini élish üchün qedem tashlashqa chaqirdi.

seudi erebistanning milliy néfit shirkiti «saudi aramko» ning ikki zawati tünügün shu jay waqti saet 04:00 te qoralliq uchquchisiz hawa apparatining hujumigha uchrighanliqi, hujumdin kéyin zawutta ot apiti yüz bergenliki uqturulghanidi.

qoralliq uchquchisiz hawa apparatliri bilen qilinghan hujumlardin kéyin héchqandaq terep ochuq – ashkara eyiblenmigen bolsimu, yemendiki husiylar yazma bayanat élan qilip, hujumni özlirining sadir qilghanliqigha isharet qilip ötkenidi.