firansiyede sériq jilitkilikler makron hökümitige qarshi namayish ötküzdi
firansiyede sériq jilitkilikler, namayishlarning 44 – heptiside pirézidént émanuél makron hökümitining siyasetlirige naraziliq bildürüsh üchün tünügün qaytidin kochilargha chiqti.
türkiye awazi radiyosi xewiri: yéqilghu bahalirining östürülüshi we nachar iqtisadiy sharaitqa naraziliq bildürüp bashlanghan bolsimu, kéyinche makron hökümitige qarshi namayishlargha aylinip ketken sériq jilitkiliklerning heriketliri dawam qilmaqta.
parizhning oxshash bolmighan kochilirida lozunkilarni kötürüp mangghan namayishchilar, makron hökümitige qarshi shoarlarni towlidi.
bir türküm kishiler orly ayrodurumida namayish ötküzdi.
nantéstiki namayish jeryanida saqchilar bilen namayishchilar arisida sürkilish yüz berdi. namayishchilar nurghun magzinning eyneklirini sunduruwetti.
saqchilarning namayishchilargha yash aqquzush gazi ishlitip mudaxile qilghanliqi, 42 kishining nazaret astigha élinghanliqi, 4 saqchining yarilanghanliqi bildürüldi.
lyondiki namayishta bolsa, 9 ademning nazaret astigha élinghanliqi qeyt qilindi.
montpélliér,tolus, marsiliya we bordéawksqa oxshash sheherlerdimu namayishlar ötküzüldi.
sériq jilitkiliklerning paaliyetliri 2018 – yili 17 – noyabirdin buyan dawam qilmaqta.
namayishlarda hazirghiche 11 adem jénidin ayrildi, 1797 nepiri saqchi bolup jemiy 4245 adem yarilandi, 12107 adem nazaret astigha élindi.
