shimaliy koréye xitay bash ministirini ziyarette bolushqa teklip qildi
shimaliy koréye xitay bash ministiri li kéchyangni piyongyangda ziyarette bolushqa teklip qildi.
türkiye awazi radiyosi xewiri: yaponiyening «‹kyodo› xewer agéntliqi» ning diplomatik menbelerge asasen élan qilghan xewirge asaslanghanda, piyongyang hökümiti shimaliy koréye – xitay otturisida diplomatik munasiwet ornitilghanliqining 70 – yilliqi munasiwiti bilen xitay bash ministiri li kéchyangni shimaliy koréyede dölet ishliri ziyaritide bolushqa teklip qilghan.
xewerde déyilishiche, xitay bash ministiri li kéchyangning shimaliy koréye rehbiri kim jongun bilen körüshüshi pilanlanmaqta iken.
igilinishiche, 2013 – yildin buyan bash ministirliq wezipisini ötewatqan li kéchyang hazirghiche shimaliy koréyede héch ziyaret bolmighan iken. ziyaret ishqa ashqan teqdirde, li kéchyang 2009 – yildin buyan shimaliy koréyede ziyarette bolghan tunji xitay bash ministiri bolup qalidiken.