bahamalarda 2500 kishi yoqulup ketti
bahamalargha éghir tesir körsetken doriyan qoyuni apiti sewebidin 2500 kishining hazirghiche iz - diriki yoqluqi bildürüldi.
türkiye awazi radiyosi xewiri: doriyan qoyuni aldinqi hepte 5 – katégoriyede bahamalarni weyran qilghan bolup, hazirghiche izdep qutquzush xizmetliri dawamlashmaqta.
bahamalar jiddiy xizmet etriti bahamalarda 2500 kishidin hazirghiche xewer élinmaywatqanliqini élan qildi.
alaqidar mesullar quyun apitide ölgenler sanining 50 kishige yetkenlikini, biraq nurghun kishining iz – dériki yoqluqini, bu wejidin ölgenler sanining éship kétishidin endishe qiliniwatqanliqini uqturdi.
yuqulup ketken 2500 kishidin bezilerning melum yerlerde panahliniwatqan bolushi we tekshürüsh tamamlanghandin kéyin bu sanning töwenlishi mumkinliki bildürüldi.
alaqidar mesullar quyun apiti eng éghir tesir körsetken ikki araldin hazirgha qeder 5000 kishining bashqa jaylargha yötkelgenlikini, texminen 7000 kishining yötkilishni kütüp turiwatqanliqini bildürdi.
yene bir tereptin birleshken döletler teshkilati bahamalargha ziyanni éniqlash üchün tekshürüsh etriti yollidi we 70 ming kishining jiddiy yardemge muxtaj ikenlikini élan qildi.
bu qétimqi doriyan quyun apiti «rayon tarixida körülgen eng chong quyun apiti» dep qeytke élindi.
bu qétimqi apet nurghun weyranchiliqlarni keltürüp chiqirip, minglighan kishi öysiz qaldi.
