gollandiyening dordréxt shehiride qoralliq hujum qilish weqesi yüz berdi
gollandiyening dordréxt (Dordrecht) shehiride qoralliq hujum qilish weqesi yüz bérip, üch kishi jénidin ayrildi, bir kishi yarilandi.
1266462
türkiye awazi radiyosi xewiri: rottérdam saqchi idarisi dordréxt shehirining xéymérshtayin (Heimerstein) kochisida qoralliq hujum qilish weqesi yüz bergenlikini élan qildi.
saqchi idarisining bu heqtiki yazma bayanatida, qoralliq hujumda üch kishining jénidin ayrilip, bir kishining yarilanghanliqi, weqege munasiwetlik tekshürüshlerning dawamlishiwatqanliqi qeyt qilindi.
xewerlerde körsitilishiche, hujum qilish weqesi aile tiragédiyesi bolup, öyde yüz bergen qoralliq weqede bir oghul bala bilen ikki kichik balining jesiti tépilghan. éghir yarilanghan bir ayal doxturxanigha apirilghan. qoralliq weqe yüz bergen öyde bir saqchi yashaydighan bolup, neq meydangha nurghun saqchi we sehiye xadimliri ewetilgen.
