amérika taliban bilen dawamlishiwatqan tinchliq muzakirilirini tonglatti

türkiye awazi radiyosi xewiri: amérika pirézidénti donald tramp tiwittér hésabidin élan qilghan bayanatida, afghanistan pirézidénti eshref gheni we bezi taliban rehberliri bilen kamp dawidta bügün ötküzülishi pilanlanghan muzakirilerni emeldin qaldurghanliqini jakarlidi.

donald tramp özining ornini kücheytish üchün qilinghan bu xil hujumlarning kargha kelmeydighanliqini we talibanning bu hujum arqiliq öz qol ildiki ewzelliklirini yoqutup qoyghanliqini éytti.

donald tramp tiwittérdiki uchurida yene mundaq dédi:

«bu shunche muhim tinchliq muzakiriliri boyiche eger urush toxtitishqa riaye qilmay, 12 bigunah insanning jénigha zamin bolalighan yerde, démekki bular bérer kélishim üchün muzakire ötküzeligüdek qudretke ige emesken. yene qanche on yilghiche urushni dawamlashturushni arzu qilishidu?»

afghanisan pirézidénti eshref ghenining amérika bilen taliban otturisda dawamlishiwatqan muzakirilerni söhbetlishish üchün amérikigha qilidighan ziyaritimu kéchiktürülgenliki tünügünki amérika metbuatlirida xewer qilinghan idi.

aldinqi hepte 9 – nöwetlik tinchliq muzakirilirini tamamlighan amérikaning afghanistan alahide wekili zalmay xelilzad kélishim tékisti heqqide pirézidént eshref ghenigimu melumat bergen idi.

zalmay xelilzad kabulda bir xusuiy téléwiziye qanilgha bergen baynatida, taliban bilen aylardin buyan dawamlishiwatqan muzakirilerdin kéyin, bir kélishim pilani imzalanghanliqini, amérikaning 135 kün ichide afghanistandiki 5 herbiy bazisini taqap, 5 ming eskirini chékindüridighanliqini élan qilghan idi.

afghanistanning paytexti kabulda aldinqi hepte chet el elchixaniliri bar bolghan rayongha yéqin jayda, bomba qachilanghan bir minubus partlap, shimaliy atlantik ehdi teshkilati (nato) qisimlirida wezipe ötewatqan 2 eskerni qoshqanda, jemiy 10 kishi ölgen idi.