boris jonsondin musulman ayallardin epu sorash telep qilindi
engliye ishchi partiyesining sih parlamént ezasi tanmanzhét singzisi (Tanmanjeet Singh Dhesi) bash wezir boris jonsonning burun musulman ayallargha sözliri seweblik epu sorishini telep qildi.
türkiye awazi radiyosi xewiri: parlamént ezasi tanmanzhét singzisi parlaméntta söz qilip, öziningmu kichik waqtidin bashlap pikri sewebidin chetke qéqilip kelgenlikini bildürdi. u mundaq dédi:
«démisimu azabliniwatqan musulman ayallarning <banka bulangchiliri> yaki <pochta sanduqliri> dégendek namlar bilen atilishi sewebidin renjiwatqanliqini we ularning dert-elemlirini chüshinimiz. boris jonson kishini kemsitidighan heriketliridin we irqiy ayrimichi gep-sözliri sewebidin qachan epu soraydu?» dédi.
u yene, boris jonsonning gep-sözlirining dölet ichide öchmenlik jinayetlirining éshishigha seweb bolidighanliqini ilgiri sürüp: «bash wezir qachan öchmenlik jinayetlirining éshishigha seweb bolghan irqiy ayrimichi gep-sözler we öz partiyesi ichide islamgha öchmenlik qilish üstidin tekshürüshni bashlaydu?» dédi.
ötken ay (awghust) bash wezirlik wezipisini tapshuruwalghan boris jonsonning «DailyTelegraph» gézitide élan qilghan maqaliside, chümbel artqan ayallarni «pochta sanduqi» we «banka bulangchiliri» gha oxshatqan idi. shuningdin kéyin musulmanlargha öchmenlik qilish jinayetliride %375 éshish körülgenliki bayqalghan idi.
