israiliye eskerlirining türkiye muxbirini yarilandurushi qattiq naraziliq qozghidi
israiliye eskerlirining anadolu agéntliqining foto süret muxbiri eli jadallahni yarilandurushi qattiq naraziliq qozghidi.
![israiliye eskerlirining türkiye muxbirini yarilandurushi qattiq naraziliq qozghidi](http://cdn.trt.net.tr/images/xlarge/rectangle/bd1a/8633/6ef3/5d69f6af4cc3c.jpg?time=1719190899)
türkiye awazi radiyosi xewiri: pelestin zhurnalistlar uyushmisi, israiliye eskerlirining ghezze rayonining sherqidiki tinch halette ötküzülgen «keng kölemlik yurtqa qaytish» namayishlirini közitiwatqan anadolu agéntliqining foto süret muxbiri eli jadallahni yarilandurushini qattiq eyiblidi.
uyushma teripidin bu heqte élan qilinghan bayanatta, anadolu agéntliqining foto süret muxbiri eli jadallahning israiliye eskerlirining hujumigha uchrishining, israiliyening her küni yolgha qoyuwatqan sistémiliq zorawanliq siyasitining ispati ikenliki eskertilish bilen bir waqitta, xelqara jemiyet birleshken döletler teshkilatining 2222 – nomurluq zhurnalistlar – muxbirlarni qoghdashqa alaqidar qararigha riaye qilishqa chaqiriq qilindi.
tünügün israiliye eskerlirining qamal astidiki ghezze rayonida ötküzülgen «keng kölemlik yurtqa qaytish» namayishlirigha mudaxile qilishi jeryanida, ghezzede wezipe ötewatqan we namayishlarni közitiwatqan anadolu agéntliqining foto süret muxbiri eli jadallahning béshigha oq tégip, yarilanghanidi.
مۇناسىۋەتلىك خەۋەرلەر
![liwan hizbullahi: isirailiye pushayman qilidu](http://cdn.trt.net.tr/images/medium/rectangle/3cc3/db28/e5e7/571459f87d3d8.jpg?time=1719190900)
liwan hizbullahi: isirailiye pushayman qilidu
liwan hizbullahi isirailiye hujum qilsa «pushayman» qilidighanliqi toghrisida agahlandurdi.