rusiye qosh tereplik jasusning zeherlinish mesilisi heqqide bayanat élan qildi
rusiye tashqi ishlar minsitirliqi bayanatchisi mariya zaharowa amérikaning rusiyege qarita yéngi émbargolarni yolgha qoyushining qanunluq emeslikini bildürdi.
türkiye awazi radiyosi xewiri: rusiye tashqi ishlar minsitirliqi bayanatchisi mariya zaharowa paytext moskwada chaqirghan axbarat élan qilish yighinida, küntertipke alaqidar nuqtiliq témilar üstide toxtaldi.
mariya zaharowa amérikaning qosh tereplik jasus sérgéy sikripal we qizi yuliyaning aldinqi yili engliyede ximiyelik bir madde bilen zeherlep suyiqest qilinishi tüpeylidin rusiyege qaratqan yéngi émbargoliri üstide toxtaldi.
mariya zaharowa «amérikaning émbarogoliri peqet rusiyege nisbetenla emes, barliq döletlerge nisbetenmu qanunluq salahiyiti bolmighan bir bésim wastisidur. amérika rusiyege qarshi émbargoliri arqiliq ikki dölet otturisidiki munaiswetlerni saylam riqabitige qurban qilmaqta» dédi.
zaharowa afghanistan mesilisi üstidimu toxtilip, rusiyening amérika we taliban otturisida imzalishini mölcherliniwatqan tinchliq kélishimining ishqa ashurulishigha kapaletchi bolalaydighanliqini éytti.
zaharowa rusiyening hindistan bilen pakistan otturisidiki keshmir yirikchiliklerning töwenlitilishi üchün tashlinidighan qedemlerni memnunluq bilen qarshi alidighanliqinimu sözlirige ilawe qilidi.
