tramp xitaydiki amérika shirketlirini qaytip kélishke chaqirdi

amérika qoshma ishtatliri pirézidénti donald tramp xitaydiki amérika shirketlirini qaytip kélishke chaqirdi.

tramp xitaydiki amérika shirketlirini qaytip kélishke chaqirdi

türkiye awazi radiyosi xewiri: tramp, xitaydiki amérika shirketlirining uzun yillardin buyan nahayiti köp paydigha érishkenlikini, emma amérika qoshma ishtatlirining xitay seweblik qanche on tirilyon dollar ziyan tartqanliqini ilgiri sürüp mundaq dédi: «shunga xitaydiki chong – chong amérika shirketlirini qaytishqa we mehsulatlirini buningdin kéyin amérikida ishlepchiqirishqa chaqirimen. xitay yiligha milyardlarche dollarliq pikriy mülkiyetlirimizni oghrilidi, buni izchil dawamlashturmaqchi boluwatidu. men buninggha esla yol qoymaymen. dölitimizning xitaygha éhtiyaji yoq, hetta xitay bolmisa ishlirimiz téximu yaxshi yürüshidu.»

amérika qoshma ishtatliri pirézidénti donald tramp «soda urushliri» gha alaqidar talash – tartishlar dawamlishiwatqan bir peytte, mushu ayning bashlirida séntebirdin étibaren 300 milyard dollarliq xitay mehsulatlirigha % 10 qoshumche tamozhna béji qoyidighanliqlirini jakarlighanidi.

xitay amérika qoshma ishtatlirining bu qararigha qarita tégishlik jawab qayturidighanliqlirini uqturghanidi.

xitay maliye ministirliqi, 75 milyard dollar qimmitiki amérika mehsulatliridin éliniwatqan tamozhna béjini  % 5 yaki % 10 ashuridighanliqlirini bildürgenidi.


خەتكۈچ: baj , amérika , xitay , tramp

مۇناسىۋەتلىك خەۋەرلەر