yemende «mashiq pirézidéntliq sariyi» xelq ammisi teripidin talan – taraj qilindi

türkiye awazi radiyosi xewiri: yemende ereb birleshme xelipikining qollishi astidiki «jenubiy özgirish kéngishi» qisimlirining eden shehirige jaylashqan «mashiq pirézidéntliq sariyi» ning derwazisini talan – tazaj qilinishi üchün échip bergenliki ilgiri sürüldi.

edende nex meydanni körgen shahitlarning bayan qilishche, ereb birleshme xelipikining qollishi astidiki «jenubiy özgirish kéngishi» qisimliri «mashiq pirézidéntliq sariyi» ning derwazisini xelqqe échip bergen, sarayning ichige kirgen xelq ammisi sarayning nerse - kéreklirini talan – taraj qilghan.

bashqa menbelerning bildürüshiche, eslide bu weqe pirézidéntliq sariyi qoghdighuchilirining maashlirini alalmighanliqi üchün wezipisini tashlap kétip qilishi tupeylidin yüz bergen.

pirézidéntliq sariy qoghdighuchilirining wezipe ötesh orunlirini tashlap kétip qilishi bilen kirish éghizi we bixeterlik nuqtilirida boshluq shekillengen, bezi puqralar bu ehwaldin jasaret élip, saraygha bésip kirgen. 

xelqning «mashiq pirézidéntliq sariyi» din öy jahazlirini élip kétishiwatqan körünüshliri ijtimaiy taratqularda keng tarqaldi.

yemende bölgünchi «jenubiy özgirish kéngishi» ge qarashliq hizam emni qisimliri 4 kün dawamlashqan tuqunushlar netijiside 10 – awghustta «mashiq pirézidéntliq sariyi» bilen bashqa istiratégiyelik dölet organlirini ishghal qilip, sheherning kontirolluqini alqinigha kirgüüwalghan idi.