süriye hakimiyiti we rusiye küchliri idlibqa hujum qilishni dawamlashturdi
süriyede beshshar esed hakimiyiti we uning qollighuchisi rusiyening, idlibning jiddiychilikni peskoygha chüshürüsh rayoni tewelikidiki jaylargha yérim kéchidin bashlap qilghan hujumlirida 6 puqra jénidin ayrildi.
türkiye awazi radiyosi xewiri: idlibning deyr gherbiy, deyr sherqiy, hish, kefersejne, muka, tuh, bsenkul we tel mennis yézilirigha, temaniye baziri, meerretinnuman we seraqib nahiyeliri tün nispidin buyan hakimiyet we rusiyening hawa hujumlirigha uchrimaqta.
herbiy öktichilerning ayropilan közitish merkizi, rusiye urush ayropilanlirining deyr gherbiy yézisigha hujum qilip 4 puqraning jénigha zamin bolghanliqini uqturdi.
hakimiyet küchlirining tel mennis yézisigha qilghan hujumida bolsa, 2 puqra jénidin ayrildi.
idlibning jiddiychilikni peskuygha chüshürüsh rayonidiki köchüsh ehwalini küzitip, sanliq melumatlarni turghuzup kéliwatqan «süriye mudaxile – maslashturush» orni teminligen uchurgha qarighanda, türkiye bilen rusiye arisida 2018 – yili 17 – séntebirde imzalanghan idlib kélishimidin buyan rayondiki 945 ming 992 puqra yurt – makanidin mehrum qilinghan.
