donald tramp amérika palatasining musulman ayal ezasini eyiblidi

donald tramp aldinqi aydimu amérika palatasining 4 ayal palata ezasigha qarita irqiy ayrimchiliq xaraktérliq sözlerni ishletken idi.

donald tramp amérika palatasining musulman ayal ezasini eyiblidi

türkiye awazi radiyosi xewiri: amérika pirézidénti donald tramp amérika palatasining musulman ezasi rashida tilaibning israiliyege kirishining cheklinishige alaqidar chaqirghan axbarat élan qilish yighinida köz yéshi qilghanliqi üstide toxtilip, «könglüm yérim, lékin tilaibning köz yashlirigha aldanmaymen. uzunghiche uning zorawanliqini, telwilikini we eng muhimi sözlirini kördüm. hazir yighlawatamdu?» dédi.

donald tramp tiwittér hésabidin élan qilghan bayanatida, rashida tilaib we ilxan ömerning israiliyege kirishlirining cheklinishige alaqidar chaqirghan axbarat élan qilish yighinini tenqid qildi.

donald tramp tilaibning israiyedin we yehudiylardin nepretlinidighanliqini ilgiri sürüp, «u yehudiylargha öch. u we uning 3 dosti (ilxan ömer, aléksandira okashiyo kortéz we ayanna présléy) démokratchilar partiyesining yéngi zatliridur. mushular bilen yashanglar!» dédi.

donald tramp aldinqi aydimu yuqiriqi 4 ayal palata ezasigha qarita irqiy ayrimchiliq xaraktérliq sözlerni ishletken idi.


خەتكۈچ: palata , ilxan ömer , donald tramp

مۇناسىۋەتلىك خەۋەرلەر